الغلا قصه عجيبه

[سمو الشوق]

الغلا قصه عجيبه تبتدي بضحكة عيون
قصه فارسها مشاعر نابضه بأغلى غرام

نصها كلمة (أحبك)ياحبيبي للـــــــــــجنون
مابقي شي بكياني غير حبك باحـــــــترام

جيت لك تضحك شفاهي بابتسامات الجفون
جيت لك والقلب غارق في عبارات السلام

ماتصنعت المشاعر لاجل ابرهن من اكون
كان همي اني اصل ساحلك يااغلى الانام

ابتسم ساعة اشوفك انسى أيام الشجون
واتخذ لاجلك مساحه في مواعيد الزحام

لاتلاقينا وشفتك قاسي الغربه يــــــهووون
والفرح يسري بدمي ويخترق صلب العظام

وان تفارقنا دقيقه مالت اوراق الغصون
والدقيقه في عيوني شفتها الفين عام

الغياب ياهو غيابك صبلي كاس المنون
اشربه ظلم وتجني وارتويه بانصدام

الغلا ماهو حكايه تعتبر ضمن الفنون
الغلا عشته بقلبك ياقمر وسط الظلام

لودرى بصادق غرامي الغدر حرم يخون
ولو يعيشه كل مذنب التزم بعد الحــــــرام